نصائح للتعامل مع حبيبك 😘

كشروودااتشي حبيبااتشي على بالي اغلبكن يعانو من وحد المشكل اللي هو : (منلقاش واش نحي مع حبيبي او خطيبي ....الخ ) معايا ان شااء نلقاو حل 😘😊 نعطيكم شوية افكار يسهلو عليكن تفاااعلووو حبيبااتشي على باالي الاغلبية يقراو و يهربو ا على الاقل بينوا رواحكم ب جاام يا زح 👍😒 . . . اولا نوصييك ياا زينة بركاك من التلفون 24/24سا كثرة الهدرة في التلفون تجيب غير المشااكل و حااجة طبيعية متلقايش واش تحكي معااه ها اراكي يوم كاامل و نتوما بلابلابلابلابلا..... و بلا فايدة و بلاك يطيح القدر بسك راكم تكونوا في ليتساع و يجبدلك كااش سوجي ..... ااه ماشي هناا تكوني باصيتي روحك ؟؟؟؟؟ اياا مالاا بدلي هذ العقلية تااع كل يوم تلفون,,, توحشتيه مقدرتيش تصبري ؟؟ ايييه قع نتوحشوواا بصح يا حنونتي قيمي روحك و متكونيش علكة لاصقة خليك بقدرك و خلييه يتوحشك هو ثااني اوكي تفاهمنااا ؟؟؟ اول حااجة التلفوون نقصوا منوو اكي باش تتوحشوا بعضلكم و تلقاو واش تحكوا ثانيا كي يعيطلك اياا و بديتوا تحكو واش راكي لباس الحمد لله و نتا ؟ الحمد لله كاش جديد ؟ وين رحتي ؟ واش درتي اليوم ؟؟شكون جاكم واش راكي ديري دركة ...الخ تعطيلوو تقرير على الاحداث اليومية و المشكل هنا الطفلة تحكي باسلوب صامط مكانش اومبيونس في طريقة هدرتها ههههههه شوفي كشرودتك حاولي تبدلي من طريقة هدرتك مثلا يعطلك و تريبوندي علييه ماشي تقوليلو الو .. وي .. انشعيه قوليلوو توحشتك عمري تخيلي اول كلمة يسمعها يقول هذي متوحشتني قع هاك ؟ ههههه و لا قوليلوو واااش طولتها وقيلة نساوك فياا ... و لا قوليلو اااه طولت عليا حبيبي حسيت عندنا بزاف محكيناش و لا ياا عمري هذوين كنت نخمم فيك ( ههههه اذا كنت تخممي فيه صح جات سواسوة اما اذا مجاش في بالك ذيك اللحظة اكذبي كذبة بيضة ههههه و اضربي النح ) و لا ريبوندي هو يقول الووو قوليلو راني زعفانة منك السيد يخلع ههه يقلك واش بيك واش درتلك قوليلو طولت علياا و توحشتك بزااااف و دلعي عليه كي البيبي ضغير قوليلو حنوني ياك على بالك نحبك منصبرش عليك ...الخ السيد مسكييين يذووووب ههههه ...... و لا كيما انا مرااات نلعبها منعرفوش الوو وي شكون معايا وا ش تسحق خويا هههه يعجبو لحال و نبداوها بالقسرة و الضحك .... فهمتي كيفاش تبدلي الجو ماشي كل يوم allo oui cv …. بهذه الطريقة ثمثم تخلاص الهدرة اما كي تبداوها بالضحك و القسرة ثمثم يفوت الوقت ماتحسوش ..... مثلاا ثاني كي يقلك واش رااكي حبي قوليلوو كي كون حبوبي لباس انا ثاني نكون لباس عمري انا وياك واحد اللي تضرك تضرني ...الخ و من هناا يبدا التمعشيق ههههههه و الله فووور ساعة على سااعة تبدلو الجو سقسيه وين رااح ..واش دار ...مثلاا قوليلواسمع عينيك نحهملك لوكان تزغد عينك منا و لا من اوكي جيبيها باسلوب تهديد ههههه يقول هذ المهبولة صح عينها فياا و تغير عليا و اذا كان خدام مثلا قوليلو حنوني ياك متعبتليش رووحك ياك راني مواصياتك اتهلالي في روحي .... سقسيه تغدا و لا لا ؟؟ (على باالنا اغلب الشباب الخدامين يتغداو برااا) .... قوليلو عميرتيي كي اليوم ان شااء نكون في داارك و تجي تلقى الغدا وااجد مكاانش قع الغدا براا و نوكلك انا بيدياا .... الخ و من هنا اجبدي موضوع الماكلة واش يحب ياكل ..واش مايحبش .. هكذا باش تديري حسابك و تتعلمي احوايج اللي يحبهم ايا من بعد هو يسقسيك واش درتي ...الخ انت ثااني حكيلو واش صراا في نهارك احكي بضرافة و حناانة و دلع مع شوية اومبيونس متكووونيش حشااامة اوكي مين دااك يكون يحكيلك اخلعيه ببوسة قوليلو هاك حبيبي هاذي في خدك و اذا كانت الدعوة سخونة قوليلو في شويرباتك خخخخخخخخخ خاااطية انا عااقلة ههههه...... مرات ثاني اقطعيلو هدرتو قوليلو اسمع !!!!! يقولك وي ...؟ قوليلو نحبك بصوت حنييييييييييييين ياا ماامي السيد يفشل و بلااك ينسى وااش كان يحكيلك ههه وتبداو تتمعشقو ههههه ( هذي مجربة هههههه احم احم ) تفوتو الوقت بلاما تحسسوا بالملل مثلاا جات لحظة سكوت هههههه تصرا تصرا حااولي بشطارتك تتجنبيها و باش متحصليش متعرفي واش تحكيلو .... راح يقولك حنونتي واش تحكيليو لا كاش جديد ؟؟؟(ههههههه اكثر جملتين نكرهم في حيااتي انا و حبيبي قع منوصلوش لهذ الجملة : واش تحكيلي ولا كاش جديد دييييما نهدرو انا ثرثاارة نحكي نحكي نحكي نحكي .... منسكتش خاااصة معاه احم احم العمر هذاااك حبيباتشي ادعوولي ربي يجمعني بيييييه و الله نحبو ..... ) المهم اذا لقيتي كااش حاجة تحكيهالو راكي هنيتي روحك و اذا مكاانش قع مصبتيش وااش تحكي رااسك تبلوكا هههه تنهدي تنهييدة منا لتمنراست ااااااااااهههه ايواااه كيما درتي دوكا هههههههههه و قوليلوو واش نحكيلك ياا عمري ايه لوكان جات الدنيا دنيا لووكان راني معااك في بيت وحدة ثماا نحكيلك وااش تحب .......... و من هنا يبدا التمعشيق هههههه كثريلو من كلمة نحبك.. نعشق فيك.. نموت عليك .... ....خطيبك عندك يااااااااااااسر حواايج تحكي معااه تفااهمي معااه مثلاا على اللبسة العجار يديرولك ولا لا ( تباااااااا حبوبي غيااار ملكبااار قاالي العجاار لاازم قالي انا مرتي نحب غيير انا اللي نشوفها يسمووها نتااعي انا برك قالي ماجياياش صحابي نجي فايت عليهم كي تكوني معايا و يكحلولي على ممتلكااتي الخااصة ..... الخ المهم عرف كيفاه يحشيهالي الستوت ...) سقسيه على داارهم حااولي تعرفي كيفاش عايشين مع بعضاهم سقسيه شكون طيبت العشاء اليوم مثلاا اذا كانو عندو خوه متزوج اجبدي الهدرة على مرت خوه..... معلباليش كيفااه المهم حاولي تعرفي كل شيء بسك نفس الخدمة الي تخدمها مرت خوه رااكي رايحة تخدمي كيما هي فهمتيني ؟؟؟؟ و احكيلوو ثااني انت على دااركم كيفاش عايشين ... هنا حاولي تمعنيلو بلي رااكي حابة تعيشي بعد الزواج كيما راكي عايشة في داركم اوكي بااش متنحقريش اذا كان شايفك مدللة و مقلشة في داركم ياخذ حذرو و يعيشك كيما كنت عايشة في داركم او احسن .... ان شاء الله تكوني فهمتي قصدي في هذ النقطة يالكشرودة مثلاااا تاني خمو فمستقبل و كيفاه ديرو …اهدرو على بعد زواج كيفاه تعيشو زعمة كي يقولك هدا وين دخلت من برا قوليلو كي نتزوجو انسى كامل خرجة في الليل ابدي قوليلو مور لعشا تروح تصلي و تولي تلقاني كملت غسلت ماعن و هكااااا,,,,,,,,,,,,,,,,,, سيي كيفاه من كل كلمة تجبدي موضوع ….. ماشي يقولك راني خدام تقوليلو ااه اوك و تسكتي لالا قوليلو ايه علابالي راك عيان ......قولي لي جا فراسك المهم نحيلنا هاديك ايه اوك و اامم هههه باسك هكا الراجل يكره احكو على كلش .... الماضي ... الحاضر.... المستقبل.....ماتسكتيش كي الحجرة و ما تثرثريش بلا فايدة.... كوني خفيفة ضريفة..... مرات وريلو حنانتك بكلامك المعسل و بينيلو شحال تحبيه مي ماتبينيلوش بلي ما تقدريش تعيشي بلا بيه بسكو الراجل اذا حاباتيه يكون ليك لازملك تفهميه بزاااااف و تحبيه شوية برك..... عمرك لا تغلطي و تحكي على اسرار داركم... و عمرك لا تروحي معاه بعيد في مواضيع حساسة. بالعكس بدلي الموضوع بلا ما تخليه يحس خلي روحك غامظة بعض الشيء ..... ديما عززي روحك... كي تعيطيلو مرة ولا زوج بزاف ماشي تحرقيلو التلفون بليزابال..... قيمي روحك عميرتي باا هو يقيمك و ما تحاسبيهش بزاف باش و الغيرة و الشكوك الزااايد مش ملييح راهي تجيب غير المشااكل و الرااجل ميحبش التزياار ….. الميساج يتبعث مرة في زمان ماشي كل دقيقة.... وماشي كل ما يقولك نتلقاو تروحي تجري لالا عززي روحك....... وديري في بالك بلي لي يشرب الحليب باطل عمرو لا يخمم يشري بقرة... الكلام سطر و المغزى بحر... ان شااء الله نكون افدتكم و لو بالقلييييييييييل 😁😁😁 حبكم وردااات القروب🌺🌸💋💋 متنساونيش بالدعااء <3 :'( و لكن بالمثل حبيباتشي