#حملة_استرجاع_مكانتك_و_انوثتك_عند_زوجك 👌💋💅💄💃💎👠😜

#حملة_استرجاع_مكانتك_و_انوثتك_عند_زوجك 👌💋💅💄💃💎👠😜😍 هيا الي معولة على راجلها تبرونشي معانا 😘😘😚😚 نقوللكم مسبقا بلاك رايحة نقول كلام قاسي و محرج و لكن رايحة نهدر من قلبي و ان شاء تفهموني مليح من غير مايروح عقلكم بعيد و هدا من واش راني نشوف و نسمع من نساء و واش راهم يعانيو مع رجالهم تقولك خرج قلبو باش تزوج بيا و بعد عامين أو أقل أو أكثر تبدل عليا و رجع ماشي مقيمني وما نحسوش يحبني ......وكلام من هدا النوع نقولك حبيبتي اولا السبب يرجع ليك علابالي تتقلقو كي نلوم عليكم لكن الله غالب هذا هو مجتمعنا محمل المرأة كل مسؤولية نجاح العلاقة أو فشلها حتى ولو كان الراجل أحقر الخلق مايعدروكش لهذا قلت لك انت المسؤولة على بعد زوجك و برود مشاعره من جيهتك لأنك بمجرد ما تتزوجي و تجيبي دراري يخرجولك لقرون و تشوفي روحك ضمنتي الراجل و درتيه في جيبك ايه صح بلاك تضمنيه ماديا ( جسم و اسم ماشي غير دراهم ) و لكن معنويا تكوني تخسري فيه لأنك تتخلاي على بزاف أمور الي يخلو الراجل يذوب فيك و علابالي فوق طاقتك . مالا شمري ساعد العزيمة و هيا الي الأنوثة و الرقة الي غفلتي عليهم و افطني من الغيبوبة و ديري اللي تقدري عليه باش رااجلك يبقى غير ليك تقريبا كل مراة متزوجة راهي تشتكي و تخاف الخيانة من زوجها و مهما كان نوع الخيانة حتى بالنظر و سؤال الراجل مع من رايح يخون مرتو ؟ ؟ مع حور العين و لا ملاك و لا ..... هههه اكيد مع مراة كما هي ..عندها واش عندك انت و بلاك انت خير منها بصح علاه هذيك خزر فيها ؟؟؟ علاه هذيك شاف فيها ؟؟ علاه قاللها كلام شباب ؟؟ و ..علاه صرف عليها ؟..و ....وو... قولولي علاه ؟؟؟؟ واش الفرق ؟ واش جبدو فيها عليك ؟ انا نقولك علاه علاخاطرش هذيك ضحكت علاخاطرش هذيك تدللت علاخاطرش هذيك ماكثرتش اللوم علاخاطرش هذيك خضعت بالقول و رققت صوتها علاخاطرش هذيك ضعفت قدامو و خلاتو يحس روحو راجل بمعنى الكلمةعندو هيبة في الدار علاخاطرش هذيك عرفت كيفاش تجذبو ليها باش تدي واش تحب علاخاطرش هذيك عرفت كيفاش و وقتاش تبين مفاتنها معاه علاخاطرش هذيك سايساتو و عرفت تستغلو حتى قدر يسمح في أعز الناس مرتو و ولادو واش الفرق بينك و بينها ؟؟؟ زعمة هي عندها ذكاء خير منك؟ و لا كيدها عظيم عليك ؟ زعمة هي عندها انوثة أكثر منك .؟؟ هي تعرف راجلك و تحبو أكثر منك ؟؟ مانظنش. ......... لأنك كي تحبي انت اييه انت ختي الشيطان تحطيه في قرعة هههه كما يقولو اذاااا ..علاه ماتكونيش انت كما هي أو خير منها و لكن فلحلال و مع راجلك و تزيدي حسنات ترضي زوجك و ترضي ربي بالدرجة الاولى علاه واعرة عليك تكوني أنثى واعرة عليك تكوني قافزة و شااطرة مام كي تجيبي ولاد تتهلاي في راجلك و تمديلوا من وقتك علاه ماتعرفيش تتسلبتي معاه كما يقولو الحمد لله رب أباح الكذب بين الزوجين يعني تقدري تبيني عكس واش تخبي مع زوجك و راني متأكدة مع الوقت يرجعوا مشاعر صادقة كي يتبدل معاك علاه كي يزعف ما تروحيش تتحببي و تعنقي و تبوسي و تطلبي السماح ياك هذا راجلك علاه كي يتقلق ما تساعفيهش و تسايسييه علاه كي تحبي مصروف و كاش حاجة ما تتعامليش كما بنات الهوى يضحكو و يتمحلسو حتى يدو واش يحبو و لا كي راكي عارفة بالي هذا واجبو تبقاي تعيطي و تقيمي دنيا هكدا ما ديري والو يالالة على العكس رايح يزيد يبس راسو و إذا مدلك يمدلك غير باش يتهنى من زgاك و عياطك و تخطي راسو المغزى تكلامي يا خيااتي هو : كوني مع زوجك حبيبة كوني صديقة , اخت , ام , كوني أنثى بكل ما للكلمة من معنى اعرفي وقتاش تبكي وقتاش تضحكي وقتاش تهدري و قتاش تتقربي كوني قافزة عامليه على اساس صاحبك و حبيبك ماشي راجلك عامليه على أساس راجل حبيتيه و ماراهش ليك و رايحة تديه من مرتوا هههههه ماتضحكوش و ماتقولوش مهبولة علابالي واش آني نقول على خاطرش كي يكون تحدي بين النساء اكيد تخرجي كامل واش عندك اذا حاربي باش تديه و تنسيه في مرتو وي تنسيه في مرتوا الي تعيط و الي مقلقة و الي مشنفة و الي تنتقد بزاف و الي تكثر الطلبات و تنكد اييييييييه حبيبتي نسيه فيك انت لقديمة كوني جديدة حاربي نفسك لقديمة و حاولي تدي زوجك عليها و تكسبيه علابالي واعرة مع الأول لأنه ماراحش يتقبلك ثمثم لكن ماتنسايش بالي الراجل كي الطفل يعني عندو نسبة من الغباء تظهر أمام المرآة الذكية و الي الفاتنة الفاتنة ماشي غير المرأة الشابة ..... الفاتنة الي تعرف تكلخ و دوخ الراجل و تدي عقلو و رانا نشوفو ياما نساء متوسطات الجمال لكن رجالهم يموتو فيهم اصبري و شوية عزيمة تقدري بإذن الله تسترجعي زوجك ماشي حااجة صعيبة خيااتي جربوا مواضيعي الي نحطلكم فيهم واش راكم خاسريين و الله انا غير كي نتزوج هههه قسما بالله غير نعيشوا كيما في الافلام هههه وااش ياك راجلي نديير اللي نقدر علييه باش نجبدوا ليا و ميخممش باش يخوني هههههه ديروا كيما انا ههههه و الله راني من نيتي يا خياتي حاااولي تكسبي راجلك قد ما تقدري على بااالي ماشي ساااهلة خاصة االلي ساكنة مع عجوزتها و زيد عندها و لاد و الله غير معاناة راني حاسة بيهم بصح لااااز لااازم تنظمي وقتك و تلهاي برااجلك لااااااازم هيا لبنات الي معولة على راجلها تقول انا بأش نقوو الحملة و نبنو بيوت الحب و الاستقرار الاسري ماشي غير على الورق الي عجبها المشروع تقول باش نبداو كامل و نتبادلو خبرات و نصائح انشطو شوية كشروداتي راكم رااقدييييين افطنووووووووووا كشروووداتي و الله غير نحبكم بلاما شفتكم و انت اللي ديري و جام و تهربي علااه منستاهلش كلمة حلوة و لا دعوة و لا مستخسرتها فيا ياا كي تدعيلي متنسايش بلي راكي تدعي لنفسك بالدرجة الاولى